Қалдықыз

Бейне жазбаларым

Kaldykyz — Mon, 17 Oct 2011 18:32:08 +0000

Filed under: Шаршауыңды басатын, жиған терген дүниелер, менің жұмысым, таныс бол, шырайыңды ашатын Tagged: Абу Даби, Жаңатас, араб әмірліктері, беседка, мешіт, шейх Зайд, әмірліктер сарайы

Кеше жасөспірімдер, бүгін балалар

Kaldykyz — Tue, 31 May 2011 13:26:17 +0000

Біздің кеңсенің қосалқы есігінен мына орындықтарды (неге екенін білмеймін) шығарып қойса, балалардың ата-аналары келіп отырып алыпты

Filed under: Шаршауыңды басатын, жиған терген дүниелер, менің жұмысым, таныс бол, фотолар, шырайыңды ашатын, Uncategorized Tagged: балалар, жұлдыз, папарацци, әнші, қазақконцерт, өнер

Ұрлана саған қараймын :)

Kaldykyz — Mon, 30 May 2011 11:36:49 +0000

Екі айдың жүзі болған жаңа орынға көшкеніме, жұмысым бұрынғы, кеңсем де бұрынғы, тек бір қабаттың бір бұрышынан, екінші бұрышына орын ауысқанмын.
Тегі бір құтты орын екен, келгелі өмір өзгерді. Ескі орынан кетіп бара жатқандағы жазбам осында бар. Күнде думан, күнде той. Сіздерге тегін концерт көру арман болса, маған енді 1-2 реттен соң «надоел» болатын түрі бар. Жо-жоқ, өнерді сүйемін, өнер маған кедергі жасамайды, тек сол өнерді тамашалаймын деп, жұмыс қалып қойып отыр.
Нақтысын айтсам, мен отырған бұрыштың терезесі Қазақконцерттің ауласына қарайды. Күнделікті келім-кетім адамдар, машина, музыкалық аспаптар, өнер жұлдыздары, жұлдыз болудан қашпайтындар керісінше жұлдыздыққа жүгірітендер бәрін-бәрін бақылап отырамын.
Гугл-баззда үнемі, бүгін үйтті, кеше сөйтті деп жазып отыратын едім. Ешкім сенбейтін сияқты, енді барлық болып жатқан процессті сутерке түсіріп жүретін болып шештім. Бүгін 4-5 мәрте түсіріп көрдім. Терезенің алдына ыңғайлана жайғасып отырып алып, суретке түсіріп отырсам, бір-екі бала байқап қойып ысқырып, қол бұлғамасы бар ма. Ма*ма, ұялғанымнан (негізі ұрлық жасағандай қорқып кеттім), орынымнан атып тұрып, ізімді суытып үлгердім
Қарап жүрмей папарацци болып кетер ме екенмін

Ескерту: Абажадай фотоаппараттан жұлдызшалар түгілі, өзім шошып кетіп, ендігісі ұялы телефонмен түсірілген суреттер. Сапасы жағынан ренжу болмасын

Мына қызыл көйлектегі хор-дың қыздары өздерін түсіріп әлек, мен оларды түсіріп әлекпін

Filed under: Шаршауыңды басатын, жеке ойым, жиған терген дүниелер, менің жұмысым, таныс бол, фотолар, шырайыңды ашатын, өлеңге әркімнің ақ бар таласы Tagged: балалар, жұлдыз, папарацци, хор, әнші, қазақконцерт, өнер

Азамат…

Kaldykyz — Fri, 27 May 2011 10:59:14 +0000

Азамат емессің сен, сен алдамшы сезіммен бәрінің көзін байлайтын сиқыршысың. Құлақты бітеп, көзді байлап, аяқты ақсатып қоясың. Менің әлемімде сенің орның тым бөлек, бірақ сен менің әлемімді әлдақашан уысыңнан түсіріп алғансың. Мені іздеп әлек болғаныңды естідім. Енді мені табу, алақанға түсіру қиын болады. Тіптен сенің қолыңнан ол келмейді де. Сенімен соңғы рет қоштасқанда сенің енді менің өмірімде тек естелік болып қалатыныңды сезгенмін. Қайтқан малда қайыр бар шығар, ал қайта шапқан жаудың жаман екенін мен жақсы білемін.
Сені ақылы тоқтаған адам екен десем, саған әлі де күтуші керек сияқты.

Filed under: жеке ойым, мәхәббәт қызық жоқ жылдар Tagged: күту, махаббат қызық жоқ жылдар, сағыну, іздеу

Көңілді көтерген София & Бота

Kaldykyz — Mon, 23 May 2011 11:25:39 +0000

Мамыр айының басы тосын оқиғаларға көп болғандықтан біраз есеңгіреп қалғаным бар. Көптен бері армандап жүрген Сара Найманның концертіне баруға да мүмкіндік болмады. Бара алмағаныма ішім ашыды. Көңілім аш болып жүргеніне екі аптадан асып кеткен еді. Кешегі өткен сенбіде сол аштықты жеңетін керемет концертке бардым. Концерт өзіміздің Қазақконцерт ғимаратының залында өтті. Екі сағаттың көлемінде өткен концертте өзіміздің Отандасымыз София мен Бота Закирдің өнеріне қол шапалақтаумен отырдым. Шапалақты өздері сұрап алған жоқ, өнерлеріне сүйсінген өзім еріксіз шапалақтадым.
София музыкалық білімді Пекинде (вокал) алған, 1990-1993 жылдар аралығында Алматыдағы Құрманғазы консерваториясында білімін жалғастырған. Ал Софияның қызы Бота Германиядағы өтетін жас өнерпаздардың байқауының екі дүркін жеңімпазы атанған екен. Бұл концерт жайлы естігеніме 2-3 айдың жүзі болған. Билет қолыма тигенде қуанышымда шек болмады.
Анасы сопрано, қызы пианист. София атақты опералардан ариялар орындады, ал Бота керемет сонаталармен бәріміздің таңдайымызды қақтырды.

Ариялар мен қоса Абайдың «Айттым сәлем Қаламқас», Сейтуллаевтың «Сағыныш», «Гауһартас», «1 пиала» әндерін орындағанда, жиналған қауым отырған орнынан тұрып кете жаздады. Құшақ-құшақ гүл шоқтары, тоқтамаған қол шапалақтаудан толқыған Софияның көзіне жас келді. 16 жылдан соң елге қайта келген София, сөзінде шексіз бақытты екенін айтты.
Айпақшы концерттің әсерлі өтуіне концертмейстер Гүлбадам Бакиева да өз үлесін қосты.
Тап осы концертті теледидардан көрсетсе қарамас па едім, қарасам да дым әсер алмас едім. Бірақ тірідей көрген концерт, жанды дауыс, көппен көрген ұлы той демекші, көптің арасында отырып бір рахаттанып өнерге сусындап алдым. Қақ желкемде отырған бір жігіт, барша дауысымен «БРАВО»-лап қоймайды, өнер сүйер қауым жабыла менің арт жағымдағы жігітке жалтақтайды. Ол жігіт болса, қояр емес. Концерттің басталғанына 30 минуттан асып кетсе де, алдыңғы қатарға 5-6 қыз келіп жайғасты. Не жырқыл екенін білмедім, біліп келді ме, жоқ әншейін өтіп бара жатып соға салайын деді ме, ыржың-ыржың етіп, ақыры шыдамады-ау тыпыр-тыпыр етіп, шығып кетті. Арт жақта сахнаға көзі жетпеген болар, тап алдыма орын ауыстырған жігіт, пираттық түсірілімін бастап кетті. Біресе оң жағынан, біресе сол жағынан сығалап сахнаға қарап отырдым.
Осындай әсерлі концерттен соң, қаламыздың орталығындағы ескі алаңда жастардың хип-хоп стиліндегі концерті өтіп жатқан жерге бардық. Бұл жерде көп аялдамастан құрбым екеуіміз ескі алаңның жанындағы саябақты араладық. Демалыс жақсы өтті.

Filed under: Шаршауыңды басатын, жеке ойым, таныс бол, фотолар, шырайыңды ашатын, өлеңге әркімнің ақ бар таласы

Ғажайып түс – Индира Расылхан

Kaldykyz — Sat, 21 May 2011 11:43:48 +0000

орындаушысы: Индира Расылхан
әні мен сөзі: М.Ынтықбаев, А.Бажанова

Ғажайып түс
1. Бояу беріп таңыма, түсіме ендің тағы да
Жүрегіммен жүрмін аңсап сені сағына
Бәрі бекер деймін де, үміт артып кей күнге
Елеңдеймін, сені келер ме екен деймін мен

Қайырмасы:
Жаққанда қала шамдарын
Сені іздеп атты таңдарым
Тағдырдың ісі ме?
Білемін қайта келмейсің
Көнсе де көңіл сенбейсің
Кірмеші енді түсіме

2. Түсіме ендің тағы да, үміт сыйлап жаныма
Күрсініп күз әлем, боянғанда сарыға
Түн жарығы сөнгенде, түн жұлдызы төнгенде
Ойла сенде мені, ғажайып түс көргенде

Filed under: мәхәббәт қызық жоқ жылдар, таныс бол, өлеңге әркімнің ақ бар таласы Tagged: Индира, Расылхан, Ынтықбаев, кірмеші енді түсіме, ғажайып түс, ән мәтіні, әнші

Мерей тойда кездесейік

Kaldykyz — Fri, 13 May 2011 10:32:02 +0000

Құрметті Шыңғысхан ұрпағы!
Биылғы жыл (2011 ж.) Абылай ханның туылғанына 300 жыл толуына орай мерекелік іс шаралар ұйымдастырылмақ.
Маусым айының 18 жұлдызында (сенбі) жеке стадионда (Гагарин мен Өтепов көшелерінің қиылысындағы) қысқаша митинг, концерттік бағдарлама, балуандар күресі өтеді. Сонан соң Қырғызстан, Қытай, Ресей және Қазақстанның әр ауданынан келген 300 қонаққа ас беріледі.
Бұл хабарламаға арқау болаған, Амрекулов Нұрлан ағаның жеке пошта жәшігіме келіп түскен хаты.
Сұрақтар болса төмендегі телефон нөмеріне хабарласуыңызға болады:
Амрекулов Нурлан (8777 2888516), Ахмуканов Арман (8705 555 3500)

Filed under: жеке ойым, таныс бол Tagged: 300 жас, 300 жыл, Абылай хан, Ақсүйек, Төре, Шыңғыс хан, ас беру, киіз үй, күрес, мерей, митинг, стадион, той, шежіре

Аман бол ағаларым, аман бол бауырларым!

Kaldykyz — Fri, 06 May 2011 14:33:36 +0000

Ағамның жеке поштасына келіп түскен тілек еді, авторын жазбай, тек менікі емес екенін жазсам еш кемшілігі жоқ шығар.

Құрметті аталар, ағалар, бауырлар, інілер, жігіттер!

7 Мамыр – Қазақстан Қарулы күштері күні. Жігіттерімізге амандық, денсаулық тілейміз. Еңселеріңіз биік, мерейлеріңіз үстем болсын.

Отанға адал, елге қайырымды, отбасына мейірімді болыңыздар. Жүректеріңіз оттай лаулап, жандарыңыз әрдайым жас болсын. Қайратты, мақсатты болыңыздар. Еңбекте табыс, тілейміз.

Таусылмайтын дәулет, арылмайтын бақыт тілейміз. Шаңырақтарыңыз биік, керегелеріңіз берік болсын. Әрдайым нәзік жандарға тірек болып, алақандағы гүлдеріңізді аялап жүріңіздер.

Биік шыңдардан көрініңіздер! Өмірлік серіктеріңіздің сезімі өздеріңізге бұлақтай таза, сүттей ақ, періштедей пәк болсын.

Баян батырдай батыл, Қозы көрпештей көрікті, Төлегендей
сүйікті болыңыздар.

Райымбектің батырлығын, Қабанбайдың батылдығын, Қарасайдың өткірлігін тілейміз.

Filed under: Шаршауыңды басатын, жиған терген дүниелер, менің жұмысым, шырайыңды ашатын Tagged: 7 мамыр, еркетер, мейрам, мереке, әскер, қарулы кұш, құттықтау

Суреттерім сөйлесін

Kaldykyz — Wed, 04 May 2011 13:32:17 +0000

Қаншалықты биікте болсақ та, төменді бір қарап қоятынымыз бар

Абу Даби қаласындағы Формула 1 (бірақ оның қай жерінде гонка болатынын түсінсем бұйырмасын)

Ең биік ғимараттың басына ай да қызығады екен

“Атлантис” қонақ үйі

“Arabian eagle” деп ағама таныстырып отырсам, “бізден барған құс шығар” дегені ))

Арал жасауға таптырмайтын материал

Үйімнің алдында мынадай бассейн, субұрқағымен болса, шіркін

“Ақ піл” деген ғимарат, кезінде Дубайдағы ең бірінші биік ғимарат болған екен, қазір бұзып орнына басқа жаңа ғимарат тұрғызбақ деген әңгіме бар.

Өрістен қайтқан жамалдар (айтпақшы, сұлу әйелдерді Жамал жамал деп айтады екен, сондағысы түйе секілді сұлу дегені екен. Сұлу нәрсенің бәріне жамал дейтін көрінеді.)

Арабтар мұнарасы (Бурдж Аль-Араб )

Filed under: Шаршауыңды басатын, жиған терген дүниелер, таныс бол, фотолар, шырайыңды ашатын Tagged: Абу Даби, Атлантис қонақ үйі, БАӘ, Бурдж Араб, Дубай, Жумейра, биші жұп, метро, мұнара, пальма аралы, сафари, ғимараттар

Жылаған жүрек

Kaldykyz — Fri, 15 Apr 2011 08:22:21 +0000

Ол үнемі күлімсіреп, жайдары жүретін қыз. Киім киісі, үстіне тап төбесінен құя салғандай әсер қалдыратын аңқыған жұпары иісі (иіс су), әңгімесі бәрі-бәрі өзіне сондай жарасымды. Сұлу, сұлу болғанда да, сән үйіндегі модельдер секілді. Қарап отырып сүйсінесің.
Осыдан екі күн бұрын жеке өмірі жайлы сырын айтқан-тын. Сөз айтып жүрген жігітін бір сөзбен «идеал» деді. Талай рет жігітін жынды қылып, ығырын шығарып мазақ етсе де, жігіт шіркін сұлудан алыс кетпейді екен. Бір біріне сай дерсің, бірақ қатынастарының кем тұсы сұлудың жігітке деген тіпті 0,001 гр сезімі жоқ екен. Менің «бәлкім үндемей жүре берерсің, уақыт өте сезім пайда болар» (ойым «почти олигарх, нағыз идеалдан айырылып қалмаса» деген еді). Сонда да ойлан деп кеңес бердім.
Кеше ол таңертең көзі жастан ісініп кеткен күйі қасымнан бір-екі рет өтті де, көрінбей кетті. Бүгін көздерінің ісігі қайтпаған күйі тағы ары-бері үнсіз өтті. Күлімсіріп, көңілін ауламақ болып жағдай сұрасып, неге жыладың дегенмін, сұрағаныма өкініп қалдым.
Авариядан өлді деп, дауысы дірілдеп әзер айтты. Өзім қалшиып тұрып қалдым. Кім? Кешегі жігітің бе? Иә, деп көзі тағы жасқа толды. Не айтарымды білмей, көңіл айтып қасынан тайып тұрдым.
Енді ойлар маза бермей отыр…
Қараптан қарап күйзеліп, қайғырып отырмын, кімді аяймын, не үшін?
Ол өзі ұнатпаймын деген-тін, енді неге жылайды? Жоқ әлде махаббатынан айрылған соң сезінді ме оған деген ішіндегі сезімін.

Filed under: жеке ойым, мәхәббәт қызық жоқ жылдар, Uncategorized Tagged: жылауық, махаббат, махаббат бекеті, махаббат қызық мол жылдар, романтика, сағыныш, сезім